الشروط والأحكام

صفقتنا بتعمل إيه

صفقتنا أول منصة شراء جماعي في مصر. بنجمع طلبات العملاء على نفس المنتج عشان نطلبه من المصنع أو المورد بسعر أقل، وفيه كمان صفقات فورية لمنتجات متاحة دلوقتي.

الحساب

• تقدر تتفرج على الصفقات من غير حساب، لكن تأكيد الطلب محتاج حساب.
• لازم بياناتك تكون صحيحة، خصوصًا رقم الواتساب والعنوان، لأن عليهم بنتابع الطلب ونوصله.
• إنت مسؤول عن الحفاظ على باسورد حسابك.

الصفقات الجماعية

• كل صفقة ليها كمية مطلوبة ووقت انتهاء مكتوبين في صفحتها. الكمية بتتحسب بعدد القطع، مش بعدد الأشخاص.
• طلبك بيحجز القطع بتاعتك في الصفقة، والطلب مش بيبقى نهائي غير لما الصفقة تكمل وتأكده.
• بعض الصفقات ليها حد أقصى، وبتفضل مفتوحة بعد ما توصل للكمية المطلوبة لحد ما توصل للحد الأقصى أو الوقت يخلص.
• لو الوقت خلص والكمية ما اكتملتش، المنتج بيتلغي من طلبك ومش عليك أي مبلغ عنه، وباقي طلبك بيكمل عادي.
• لو الصفقة اكتملت، هنطلب منك تأكيد الطلب في مهلة محددة من حسابك أو من لينك التأكيد. لو المهلة خلصت من غير تأكيد، المنتج بيتلغي من طلبك.

الصفقات الفورية

الصفقات الفورية منتجات متاحة دلوقتي بكمية محدودة، ومش محتاجة تستنى اكتمال أي كمية. تقدر تطلبها طول ما الكمية متاحة.

الطلبات والأسعار

• الأسعار بالجنيه المصري، وسعر الصفقة مكتوب قدامك قبل ما تطلب.
• الأسعار مش شاملة الشحن. سعر الشحن بيظهر في صفحة تأكيد الطلب حسب محافظتك.
• كل صفقة ليها أقصى عدد قطع للعميل الواحد، بكل الألوان والمقاسات مع بعض ومع طلباته اللي قبل كده، ومكتوب في صفحة الصفقة.
• ممكن نلغي منتج أو طلب لو المورد ما وفرش الكمية، أو لو فيه خطأ واضح في السعر أو البيانات، أو لو الطلب واضح إنه مش حقيقي. في الحالة دي هنبلغك، ومش هيكون عليك أي مبلغ عن اللي اتلغى.

الدفع

الدفع كاش عند الاستلام بس. مفيش دفع أونلاين ولا ديبوزيت دلوقتي، ولو ده اتغير هنعلن عنه هنا قبل ما يتطبق.

الإلغاء والشحن

تفاصيل الإلغاء موجودة في سياسة الإلغاء والاسترجاع، وتفاصيل التوصيل موجودة في سياسة الشحن، والاتنين جزء من الشروط دي.

وصف المنتجات

بنحاول نعرض صور وتفاصيل صحيحة لكل منتج، وممكن يبقى فيه اختلاف بسيط في اللون بسبب التصوير أو الشاشة. الملاحظات الخاصة بكل صفقة مكتوبة في صفحتها.

تعديل الشروط

لو غيرنا الشروط، هننشر النسخة الجديدة في الصفحة دي، وهتتطبق على الطلبات الجديدة.